Լավ լուր․Կներկրվեն 100 հատ 12 մետրանոց եվրոպական արտադրության ավտոբուսներ․Կտեղադրվի 460 տեսակի վերելակներ․Քաղաքապետ

Երևանի քաղաքապետ Հրաչյա Սարգսյանը ֆեյսբուքյան գրառմամբ ամփոփել է ավագանու նիստում հաստատված մի քանի ծրագրեր։ «Սիրելի երևանցիներ, Երևանի ավագանու նիստում ընդունվեց 2022 թվականի լրամշակված բյուջեի նախագիծը, որով հաստատվեցին մի քանի կարևոր ծախսային ծրագրեր, մասնավորապես.

Կներկրվեն 100 հատ 12 մետրանոց եվրոպական արտադրության ավտոբուսներ, որոնք ձեռք կբերվեն ՀՀ Կառավարության և ՎԶԵԲ-ի աջակցությամբ, Կտեղադրվի 460 նոր վերելակ՝ նախորդ տարվա 54-ի համեմատ, որի համար համայնքային բյուջեից կհատկացվի շուրջ 3,2 մլրդ դրամ, Ձեռք կբերվի ժամանակակից 10 տրոլեյբուս, Երևանյան լճի աջակողմյան հատվածում հանգստի գոտի կառուցելու նպատակով կհատկացվի 190 մլն դրամ, ինչպես նաև կմաքրվի հարակից տարածքը,

 

Կկառուցվեն 20 նոր մինի ֆուտբոլային խաղադաշտեր, որոնց համար համայնքային բյուջեից կհատկացվի հավելյալ 140 մլն դրամ Կկառուցվեն թենիսի 2 կորտեր Շենգավիթ վարչական շրջանում, որի համար համայնքային բյուջեից կհատկացվի 61 մլն դրամ 2022-ին հարմարավետ պայմաններ կապահովվեն նաև Կենտրոն վարչական շրջանում գտնվող Աբովյան պուրակում, Կհիմնանորոգվի նաև Երևանի Մալաթիա-Սեբաստիա վարչական շրջանի Հաղթանակի 40- ամյակի հուշահամալիրի այգին, կվերագործարկվեն շատրվանները,

Շուրջ 350 մլն դրամով կարդիականացվի նաև Աշտարակի խճուղու լուսավորությունը, Երևանյան փողոցներում լրացուցիչ կտեղադրվի հետիոտնային կանչի ռեժիմով աշխատող 28 լուսացույց»,- գրել է Երևանի քաղաքապետը:

Նյութի աղբյուրhttps://araratnews.am/public/show/52575?fbclid=IwAR09jM7_GUq29tj6fs9a50XGykqnHEhpGruzfiW7ZjcqLc5RX8hP-zOM2qo