Քոչարյանն ու Սարգսյանը բանագնաց են ուղարկել Նիկոլ Փաշինյանի մոտ..Աղվերանում հավաք է սպասվում…

Քոչարյանն

ու Սարգսյանը բանագնաց են ուղարկել Նիկոլ Փաշինյանի մոտ. Աղվերանում հավաք է սպասվում   ArmLur.am-ի տեղեկությունների համաձայն՝ շաբաթ-կիրակի իշխանության ներկայացուցիչները ՀՀ վարչապետ Նիկոլ Փաշինյանի գլխավորությամբ Աղվերան են մեկնելու:Վարչապետն իր թիմին կմիանա կիրակի: Ըստ մեր տեղեկությունների՝

գլխավոր թեման լինելու է ՀՀ ԱԺ արտահերթ ընտրությունների անցկացումը: Լավատեղյակ աղբյուրները փոխանցում են, որ ՀՀ 2-րդ և 3-րդ նախագահներ Ռոբերտ Քոչարյանն ու Սերժ Սարգսյանը «բանագնաց» են ուղարկել ՀՀ վարչապետ Նիկոլ Փաշինյանի մոտ` կապված արտահերթ ընտրությունների հետ: Նախագահների նպատակն է կոնկրետ ընտրությունների օր որոշել:

Նրանց կողմից ուղարկած բանագնացն այսօր շատ երկար Փաշինյանի հետ հանդիպում-քննարկում է ունեցել ու ներկայացրել Սարգսյանի և Քոչարյանի պահանջները:Դրանից հետո արդեն որոշում է կայացվել հանդիպել ամբողջ թիմով, քննարկել ու որոշում կայացնել:

ArmLur.am-ի տեղեկություններով՝ օրակարգում կլինի նաև էթիկայի հանձնաժողովի ստեղծումը, բայց գլխավոր հարցը` ընտրությունների գնալու թեման է:Թե արտահերթ ընտրությունների վերաբերյալ ինչ եզրահանգման կգա իշխանությունը, դժվար է ասելը, քանի որ ներսում տարբեր դիրքորոշումներ կան դրա վերաբերյալ: Դրա համար, իշխանությունը որոշել է երկու օր տրամադրել այդ հարցին լուծում գտնելու համար:

Добавить комментарий

Ваш адрес email не будет опубликован.