ՌԴ ՊՆ պարզաբանումը՝ռուս խաղաղապահների շրջափակման մեջ լինելու լուրերի մասին

Լեռնային

Ղարաբաղում ռուս խաղաղապահների շրջապափակման մասին տեղեկատվությունը չի համապատասխանում իրականությանը։ Լրագրողներին ասել է ՌԴ պաշտպանության նախարարությունը։ Այս մասին հայտնում է

«ՌԻԱ Նովոստի» լրատվական գործակալությունը։ «Տեղեկատվությունը՝ Լեռնային Ղարաբաղում հակամարտության կողմերից մեկի կողմից Ռուսաստանի խաղաղապահ ուժերի ենթադրյալ շրջափակման մասին չի համապատասխանում իրականությանը:

Լեռնային Ղարաբաղում Ռուսաստանի խաղաղապահ ուժերի բոլոր ստորաբաժանումները առաջադրանքները կատարում են կանոնավոր ռեժիմով ՝ ինչպես դիտակետերում, այնպես էլ հրադադարի ռեժիմի պահպանումն իրականացնելիս», – ասել են նախարարությունից:

Պաշտպանության նախարարությունը շեշտել է, որ Ռուսաստանի Դաշնության խաղաղապահ զորակազմի շտաբը անընդհատ փոխգործակցում է Հայաստանի և Ադրբեջանի զինված ուժերի գլխավոր շտաբի հետ՝ անմիջական կապի ուղիներով, այդ թվում’ հնարավոր միջադեպերը կանխելու համար:

Նախարարությունը հիշեցրել է, որ խաղաղապահները գործում են Լեռնային Ղարաբաղում ՝ համաձայն Ռուսաստանի, Ադրբեջանի նախագահների և Հայաստանի վարչապետի պայմանավորվածությունների: «Հրադադարը պահպանվում է շփման գծի ողջ երկայնքով»,- հավելել է նախարարությունը

Добавить комментарий

Ваш адрес email не будет опубликован.