ԱԺ արտահերթ
նիստում վարչապետ Նիկոլ Փաշինյանը հայտարարեց, որ կորոնավիրուսը որոշ ուժերի համար մանանա էր: Վարչապետն անդրադարձավ նաև ընդդիմությանը ճնշելու և հանրահավաքները արգելելու խնդրին․«Մի նրբություն չեն արձանագրել՝ էդ մեր հանրահավաքներն էլ են արգելված նույն տրամաբանությամբ։ Հենա տեսանք ձեր արած հանրահավաքը, կես միլիոն դոլար ծախսում եք, 200 հոգի մարդ եք կարում հավաքեք։ Եվ գալիս եք, առանց դիմակների կանգնում եք, ասում եք՝ չկա կորոնավիրուս։
Հիմա էլ պիտի ասեն՝ իշխանությունը կորոնավիրուսը գցել ա ընդդիմության ջանը, որ հիվանդանան, չկարենան իշխանափոխություն անեն։ Հիմա էլ ամաչում են ասել, որ կորոնավիրուսով հիվանդացել են, ակցիայի մասնակիցները հերթով հիվանդանում են։ Ասում են՝ հանրահավաք կանենք, բա որ մենք արեցինք հանրահավաք, հանրահավաքո՞վ եք վախեցնում, դուք եկեք փողով վախեցրեք, թալանելու ձեր կարողությամբ։ Դուք եկեք մեզ վախեցրեք ձեր կրթական ցենզով։ Դուք եկել մեզ հանրահավաքով վախեցնո՞ւմ եք, այստեղ են ասել՝ կանգնեցրեք ինքնաթիռը, իջնող կա»,- նշեց Փաշինյանը։Մանրամասները՝ տեսանյութում․